ابڙو اڪيڊمي Abro Academy
2020-07-23
داخلا نمبر 650
عنوان رتبو، باتشاھه، لال سر
شاخ پکي
پڙهيو ويو 354
داخلا جو حوالو:
رتبو، باتشاھه، لال سر
رتبو، باتشاھه، لال سر
55 سينٽي ميٽر جسامت واري ھيءَ بدڪ تمام سھڻي پر گھٽ عام آھي. عام طور تي وڏين اونھين ۽ پاڻيءَ ۾ اندر گاھن وارين ڍنڍن تي نظر ايندي آھي. اڪثر سنڌو ۽ جھلم ندين مٿان اتر کان ڏکڻ يا ڏکڻ کان اتر ڏانھن لڏپلاڻ مھل ڏسبي آھي. رتبو بدڪ مارچ جي وچ ڌاري سنڌو ماٿري ڇڏي وچ ايشيا ڏانھن افزائش نسل لاءِ سفر ڪندي آھي ۽ وري آڪٽوبر ۾ موٽي ايندي آھي. ھيءَ گاھه خور بدڪ آھي ۽ گاھه تي پلبي آھي.
افزائش جي مند ۾ ان جا سھڻا کنڀ نڪري ايندا آھن. ان جي سِسي اکروٽي ڳاڙھي ريشم جھڙي، چھنب روشن ڳاڙھي، ڇاتي ۽ پيٽ جو ھيٺيون حصو ڪارو، پاسا ۽ پَر اڇي رنگ جا ھوندا اٿس. ماديءَ جي چوٽي گـھري ناسي، ڳچي ۽ ڳل ھلڪي رنگ جا، پُٺي بي رونق بادامي ۽ پيٽ اڇو ھوندو اٿس. ان جي چھنب نيرانجھڙي ھوندي آھي، جنھن جي نوڪ ھلڪي رنگ جي ٿئي ٿي.